Александр Суринов: 'Кеше үз милләтен ничек күрсәтсә, без аны шулай язачакбыз'
20 августта Нальчик шәһәрендә 'Бөтенроссия халык санын алу һәм хөкүмәтнең хәзерге милли политикасын формалаштыру' дигән түгәрәк өстәл узды. Түгәрәк өстәл эшендә катнашкан Росстат җитәкчесе Александр Суринов әйтүенчә, политиклар, экономистлар, этнографлар халык санын алудан нәрсә көтәргә мөмкин, ә нәрсәне көтмәскә икәнен яхшы аңларга тиешләр. 'РФ Конституциясенең егерме алтынчы статьясы кемне дә булса үз милләтен күрсәтүдә мәҗбүр итүне тыя, бу сан алу кәгазендә дә күрсәтелгән, һәм без халык санын алучыларга, кеше милләтен күрсәтүдән катгый баш тарта икән, аны ирексезләмәскә кирәк, дип төшендерәбез. Кеше үз милләтен ничек күрсәтсә, без аны шулай язачакбыз. Безнең бурыч - мөмкин булган кадәр тулы һәм дөрес информация җыю һәм шул ук вакытта кешенең конституцион хокукларын бозмау', - дип ачыклык кертте Росстат башлыгы.
Сан алу буенча материалларны эшкәрткәндә халык саны түгел, ә аларның җаваплары исәпкә алыначак, дип билгеләде Россия Фәннәр Академиясенең Этнология һәм антропология институты директоры урынбасары Владимир Зорин. 'Халык санын алу барышында бернинди халык та барлыкка китерелми һәм юкка чыгарылмый. Конституциядә гражданнарның үз милләтләрен күрсәтү хокукы билгеләнә, һәм бу хокук сан алу вакытында тормышка ашырыла', - дип ассызыклады Зорин.
Федеральный пресс-центр 'Перепись - 2010'
13.10.2010
|